” لقاح الكرامة”…؟!!

0 194

بقلم : الشاعر لازهر الضاوي

“الكرامة”… لْقت “التلقيج”..!!!

“الكرامة”… لْقت التلقيح…!!!

” والامل عنا يتجدّد .. يكفي توة من التنويح….؟!!

و”الكوفيد” خايف يتلبّد.. و”سبوتنيك”.. تندب وتصيح….!!

و” وموديرنا”” تبكي وتعدّد…!!

و”فايزر” .. الليلة تطيح…..!!! ..

والعلاج ضد الكورونا..:

حْمامة طابت في “المقرونة”….!!

و”بولة” من ناقة مجنونة…….!!

ذروا عليها نفّة شيح……..!! ..

وكمّل راقبها “العفاس”…

زادلها تشيْشة “بوفاس”….!!

و”روث” بقرة في عقب نْفاس..

وحطوها في البر تشيح….!! ..

يا ناري قتلنا الهلواس…

وصرنا ضحكة عند الناس…..

فاض الجهل وعبى الكاس…

وما عادش ينفع تصليح…. ..

ويا” الغرب” اللي تسمع فينا..

بربي..” سبّلْنا والْدينا “..؟؟

و” لقاحك”.. خسارة فينا..

خلي نبقو…… بلا تلقيح..؟؟؟؟؟

“الكرامة ..لقت التلقيح…؟؟!!!

اترك رد

لن يتم نشر عنوان بريدك الإلكتروني.