المنجي الرحوي : سيتمّ اليوم المصادقة على مشروع قانون “العفو على الكناطرية واللي هرّبوا فلوسهم للخارج”
حلقة وصل- فريق التحرير
أكد النائب بمجلس نواب الشعب، المنجي الرحوي في تدوينة نشرها على صفحته الرسمية بموقع التواصل الإجتماعي “فايسبوك” أن “حل البرلمان واجب”
وقال النائب إنه سيتم اليوم خلال أشغال الجلسة العامة، المصادقة على مشروع قانون يتعلق بـ“العفو على الكناطرية … الكناطرية واللي هربوا فلوسهم للخارج.…”
وأضاف الرحوي في تدوينته أن نسبة الحضور بالمجلس والتصويت ستكون عالية اليوم وسيستنفرون قواهم وسيتسابقون ويتنافسون للدفاع عن هذا القانون.
وتابع “برلمان عصابة وكمشة مجرّمة لابسين رابطات عنق ومكيجين ويتكلموا بالعربية الفصحى ولابسين الزي متع التجارة بالدين ويبداو خطاباتهم باسم الله ويزينوه بآيات قرآنية…”
ومن المنتظر أن يصادق البرلمان اليوم على جملة من مشاريع القوانين والتي من بينها “مشروع قانون يتعلق بإنعاش الاقتصاد وتسوية مخالفات الصرف. عـــــدد 104/2020”
وفي ما يلي نص التدوينة التي نشرها الرحوي :
“تذكير للي حبو يعملوه في أفريل وناوين يعملوه غدوة
بعد فضيحة مصادقتهم على الإحتلال القطري وخيانتهم لبلادهم في وقت اللي الشعب يعاني المر من المرض والجوع والخصاصة… في وقت اللي العباد قاعدة تموت قدام السبيطارات… في وقت اللي الوباء يحصد في الأرواح وعاطي مسد ماغير حتى إجراءات جدية من حكومة الذل والاهانة باش تجابهو وتعمل اللي يلزم تعملو كل حكومة وطنية تخمم في شعبها….. في وقت اللي المتقاعدين والشهارة نهار الكل يهددوا فيهم باش يوفرولهم الشهاري وإلا ما يوفروش … في وقت اللي بو يخرج وما يعرفش كيفاه باش يرجع وبشنوة باش يدخل لصغارو وما يقدرش يوفرلهم لقمة العيش …في وقت اللي الصناعي الصغير والتاجر الصغير وأصحاب المؤسسات الصغرى والمتوسطة ماعادش يرقدوا ويعرفوا النوم من الشيكات الراجعة وتسكير البيبان من البنوك …في وقت اللي في ها البلاد الأم تعدي نهارها تلاجي وتبكي ما تلقاش دوى لصغيرها والا حليبو…
في الوقت هذا الكل وبعد مهازلو الجمعة اللي فاتت، مجلس النواب يعدي غدوة مشروع قانون العفو على الكناطرية … الكناطرية واللي هربوا فلوسهم للخارج.…
غدوة تكون نسبة الحضور والتصويت عالية ويستنفروا قواهم باش يتسابقوا ويتنافسوا على شكون يدافع أكثر من غيرو على ها القانون… برلمان عصابة وكمشة مجرمة لابسين رابطات عنق ومكيجين ويتكلموا بالعربية الفصحى ولابسين الزي متع التجارة بالدين ويبداو خطاباتهم باسم الله ويزينوه بآيات قرانية…
تعرفوشي علاه باش يعديوه القانون توة؟ على خاطر تونس صادقت على إتفاقية التبادل الآلي للمعلومات اللي باش تبدى توة حيز التنفيذ ويتكشفوا اللي عندهم أموال في الخارج….امالا عندهم برلمان يخدملهم الخدمة يعمللهم قانون عفو قبل ما يتكشفوا ويتعاقبوا… يعمللهم عفو و يمنعهم ويضرب الباكو علاه لا…
فهمتوشي هالحكومة حكومة شكون وهالبرلمان برلمان شكون…
حل البرلمان واجب” .
التعليقات مغلقة.