لزهر الضاوي يكتب:  ” يا عمّي….الفيروس”

..يا ” عمّي الفيروس ” أوخيْ..
بربّي..بربّي..ما تجيناش..؟؟
الّلي نْعانو فيه..موش شوَيْ..
وتَتكمّل علينا ..لْواش..؟؟
لْحَمْنا راهو مِكْوي كَيْ..
وتِكْوينا من ” عام إحداش”..!
..تخلّصنا من” حكم البيْ “..
..وقَعْنا في” حكم الأوباش”..!
..وِعْدونا ..ما أعْطونا شيْء..
..وطلعوا الكلّة فَرْد ” قْماش” ..!!
وحالتنا من ” سَيْء” لْ ” سيْء”..
تغدّينا..وما تعشّيناش..!!
زْحَفْ ” الفقر “..طْوانا طيْ..
من ” تونس” حتى ” بني خداش”..!!
..” الدّقْ ” وصلْ لْحَمْنا الحَيْ..
وحقّ دْوانا ..ما لْقيناش..؟؟!!
..عاد انتَ..ارفق يا أوخيْ..؟
ومن فضلك..” ماتُحْرِجْناش “…؟؟
..حْبَسْنا ..وما قعَدّلْنا شيْء..
و” لا عنّا لا باش..لا عْلاش “..؟!!
…………………….
يا “عمي الفيروس” أوخيْ…..؟؟؟؟؟