لزهر الضاوي يكتب : الدستور ..” الحَيّوطي “..؟!!

بقلم : لزهر الضاوي 

فَرْكِحْ….فَرْكِحْ…يا ” زَرْبوطي”..
ويا ” حَنّانة.”..شُوطي..شُوطي..؟؟
..في بالي ” سيد الفَهّامة “..
ياخي ندّمني على “صوتي”….
..ومن فوق ” أكداس القُمامة “..
يقرا في شِعر ” الماغوطي “..؟!!
وما عَدتش نفرز كْلامه..
من كلام ” المَنفَلوطي”..؟!!
ضايع فيها..يمشي جْهامة..
في بْلاد ” الشيخ البَلعوطي”..
ما شافش ” تونس” قدّامه..
تحت ” الفَكّ الأخطبوطي”..
خمسة سنين..ياسر يا ” نعامة “..
يا تعيشي فيهم..يا تموتي..؟؟
..طلبنا ” التشغيل..والكرامة”..
جانا ..” الدستور الحَيّوطي”..؟!!
…………………..
فَرْكح…فََرْكح…………؟؟؟
+++++++
// من ديوان “صبرنا عليك ياسر”//-
(قفصة 2020/01/09)